مين إزهلها:
أول منصّة في الشرق الأوسط تهتم بكل احتياجات انت وسيارتك وتربطك مع مزوّد الخدمة بشكل مباشر، وتخلّيك تتعرف على حالة طلبك.

في ازهلها تقدر تشتري وتبيع، وتطلب ونوصلّك كل احتياجاتك، ونحافظ على سيارتك بعد، وإذا محتاج استشارة ترى خدماتنا الاستشارية مجّانيّة وعلى مدار الساعة مع فريق خدمة العملاء البططل
أكثر من 14 سنة في مجالنا تؤهلنا نقدم لك أفضل الخدمات، أنت بس حدّد المكان والوقت وفزّاعين ازهلها يجونك ومعهم كلّ خدماتنا.

جمعناهم كلّهم لك، يعني باختصار.. ازهلها سهلها.

 

1.  خدماتنا:

في إزهلها ما نبيك تشيل همّها، عشان كذا خدماتنا متنوعة وكثيرة.

نقدم لك خدمات السيارات واللي يخدمك فيها فزّاعينا في (غيار الزيت والورشة المتنقلة وشفط الصدمات وغسيل السيارة وفحص الكهرباء والسطحات وفتح السيارة وغيرها من الخدمات البطلة) وإن بغيت تشتري وتبيع أو حتى تزايد على السيارات ازهلها ... وسوق السيارات موجود في تطبيقنا.

دقيقة ما خلصت خدماتنا، شكلك نسيت اننا ما نبيك تشيل همها!

وش رأيك باللي يجيبلك اللي تبيه من أي مكان، وانت بس عليك تطلب وفزّاعنا ينتظرك عشان يوصلون لك كل طلباتك.

 

2.  ليش ازهلها؟

تخيل ان تطبيق يلبّي لك أكثر من ٨٠٪ من احتياجاتك اليومية تبدأ من خدمات تخص سيارتك أو حتى أغراضك ومستلزمات اليومية، ووين ما كنت تقدر ترسل أي شيء من أي مكان الى أي مكان.

3.  خدماتنا المجّانية

كل خدمات الطوارئ وخدمات الاستشارات مجانيّة لأصحاب الهمم العالية على مدار الساعة نساعدك ونوجهك لأقرب ورشة ثابتة يا بعدي.

4.  ما عندي إنترنت، وش أسوي؟

نطلب النت عشان نحدد مكانك بالضبط ونقدر نرسلك أقرب فزاع يوصلك بسسسرعه
وإذا ما كان عندك نت يمديك تطلب خدماتنا بطريقتين:
١- تتواصل مع خدمة العملاء عن طريق الاتصال بالرقم الموحد (920033084)

٢- تتواصل مع أحد عنده انترنت تخليه يطلب لك الخدمة ويحدد موقعك على الخريطة.

5.  ما وصلني رمز التفعيل، وش السوات؟

تأكد من عدم حظرك للرسائل الإعلانية ولو ما وصلك الكود تواصل مع خدمة العملاء بإرسال تذكرة وخلال ثواني بنرسلك رمز التفعيل مره ثانيه.

6.  كيف أزيد رصيدي في ازهلها؟

تتيح خاصية الدفع الالكتروني خيار زيادة الرصيد وأيضاً يمكنك شحن رصيدك عن طريق شراء كروت شحن ازهلها المتوفرة في كافة مجمعات الاتصالات على جميع أنحاء المملكة عبر وكيلنا لايك فور كارد أو عن طريق موقع وكيلنا لايك فور كارد وفي حال قيامك بطلب خدمة ودفع قيمة أعلى من قيمة الخدمة فهذا المبلغ الأعلى سيتم اضافته لك كذلك في حسابك

7.  محتاج فاتورة لطلب سابق، كيف أطلبها؟

ادخل على قائمة طلباتي واختار طلباتي السابقة ثم اختار الطلب اللي تبي فاتورته وتظهر لك الفاتورة، وبعدها تقدر ترسلها عن طريق التطبيق لإيميلك الخاص وقبلها تأكد إنك اضفت ايميلك الصحيح في بياناتي ولو ما وصلك الايميل لا تتردد انك تتواصل معنا 920033084.

8.  أبي أقدم شكوى

أفاا، وش السالفة؟
يهمنا نسمع منك اضغط على ايقونة اتصل بنا واختار ارسال شكوى وراح نرد عليك خلال ثوان ونأخذ الإجراء المناسب خلال مهلة لا تتجاوز 48 ساعة.

9.  أبي أستفسر عن خدمة

10.        اضغط على ايقونة اتصل بنا واختار ارسال استفسار وبنرد عليك خلال ثوان.

11.  كيف أعرف عن عروضكم وخدماتكم الجديدة؟

عندنا عرض جديد؟؟
أنت أول واحد بيعرف عنه، وفيه أكثر من طريقة عشان تعرف العروض الخاصة بازهلها:
-
عروضنا راح تظهر لك على شكل بانر إعلاني في التطبيق.

- تقدر تدخل على قائمة العروض والباقات

-      أو تتابعنا على منصات التواصل الاجتماعي

تويتر ( https://goo.gl/GukhzE ) انستقرام (https://goo.gl/4qe6Fr )

 

12.  أبي أنضم كفزّاع، فيه شروط؟

حيّاك الله فزّاعنا، نقدّر لك اهتمامك بالانضمام وفيه بعض الشروط لابد تنطبق عليك يا بعدي:

1-    عمرك+18 سنة
2- عندك رخصة قيادة أو تفويض بالقيادة
3- خبرتك في مجال صيانة السيارات لا تقل عن 5 سنوات (فزاع الصيانة)
4- معرفة في تقديم خدمات الطوارئ وتوصيل الطلبات (فزاع الصيانة, التوصيل)
5- تقدر تستخدم التطبيق وإذا واجهتك أي مشكلة ارجع للأكاديمية عبر الرابط http://demos.amaz.sa/ezhalha_academy

 

13.  دفعت مبلغ أكبر من قيمة الفاتورة، وش السوات؟

بنضيف لك المبلغ المتبقي كرصيد في حسابك وتقدر تستفيد منه في طلباتك المستقبلية.

14.  ظهرت لي رسالة “سوف تتوفر قريبا" وش معناها؟

هذي الرسالة يعني ما بعد غطّينا منطقتك، وطموحنا نغطي كل أنحاء المملكة بكامل خدماتنا.
لكن ظهور هذي الرسالة موب شرط يكون ما غطّينا منطقتك بكامل خدماتنا، يمكن تكون الخدمة اللي طلبتها بس، وباقي خدماتنا موجودة وتقدر تستفيد منها.

 

15.  كيف أقدر أدفع؟

يا رجال خلّها علينا هالمرّه..
دامك ملزّم، تقدر تدفع عن طريق:
1- الدفع الالكتروني (عن طريق التطبيق)

2-    الدفع النقدي (عن طريق التسليم لمقرنا الرسمي)

3-    التحويل البنكي (عن طريق رقم حسابنا في بنك الراجحي SA3880000487608015552229)

4-    شراء كروت شحن ازهلها

16.  أسرع طريقة لطلب خدمات ازهلها!

طلبك عن طريق التطبيق أسرع، لأننا نحدد موقعك بدقة ونرسل طلبك للفزّاعين المتاحين حولك وأنت بدورك تختار بينهم حسب التقييم، بينما طلبك عن طريق الاتصال بياخذ وقت أكثر وبنرسلك مزود واحد من اختيارنا على حسب المعلومات اللّي وفّرتها لنا.

17.  أقدر استخدم التطبيق بدون تسجيل؟

تطبيقنا سهل وتقدر تتصفحه بدون تسجيل لكن في حال طلبك لأي خدمة من خدماتنا لازم تنشئ حساب طال عمرك بكم خطوة بسيطة.

18.  يقولون عندكم كوبونات خصم!

أيه يبوووي وتقدر تحصل عليها من خلال

- الكوبونات راح تظهر لك على شكل بانر إعلاني في التطبيق.

- تقدر تدخل على قائمة العروض والباقات

                - تتابعنا على منصات التواصل الاجتماعي

تويتر ( https://goo.gl/GukhzE ) انستقرام (https://goo.gl/4qe6Fr )

 

19.  عندكم إشتراكات سنويّة في ازهلها:

عندنا لك عروض خاصة بالاشتراكات السنوية، ادخل على قائمة العروض والباقات داخل التطبيق وبتشوفها كلها.

20.  أقدر ألغي الطلب؟ وش بيترتب عليه؟

تقدر تلغي الطلب قبل ما يمر 5 دقايق على قبول المزود الطلب، وفي حال مر أكثر من هالوقت راح تتحمّل قيمة الطلب.

21.  أقدر أطلب الخدمة لأحد ثاني؟

تقدر تطلب خدماتنا لأي شخص دامه داخل المملكة حدد موقعه على الخريطة واطلب الخدمة وازهلها.

22.  متى تنامون؟

فريق ازهلها ما ينام، خدماتنا 24 ساعة 7 أيام بالأسبوع اطلب خدماتنا بأي وقت وبنجيك.

 

أسئلة خاصة بتطبيق الصيانة

1.   تقدمون خدمات الورشة عند البيت؟

نقدّم لك كل الخدمات اللي تخص سيارتك عند باب بيتك او وين ما تكون.
يعني باختصار، خلّينا للصناعيّة كفرات.

2.  سويت طلب ورشة متنقلة وبلّغني مزود الخدمة أن السيارة لازم تروح الورشة وش أسوي

فزّاعينّا بيحلّون لك أكثر من 85٪ من الأعطال اللي تواجهك بمكانك بدون ما تحرّك سيارتك، لكن دائماً فيه أعطال ما تنحل الا بمراكز الصيانة مثل توضيب المكينة، وفي الحالة هذي تتفق مع المزود على كافة التفاصيل وازهلها مسؤولة عن الاتفاق اللي يتم داخل الشات فقط.

3.  كيف أعرف نوع السطحة المناسبة لسيارتي؟

حالة سيارتك هي اللي تحدد، لأنه إذا كانت تتحرك يفضّل تطلب سطحة عادية اما إذا كانت كفرات سيارتك ما تتحرك او أحد الكفرات خرب أو مفقود الأفضل تطلب سطحة هيدروليك أمّا في حال سيارتك طاحت في حفريات لا قدّر الله اطلب سطحة ونش وبنجيك.

4.  ليش طلبتوا منّي ارفاق صورة استمارة السيارة؟

فزّاعنا يحتاج يطّلع على رقم هيكل السيارة في بعض خدماتنا، علشان يحدد بدقّة نوع القطع اللّي تحتاجها، وهذي المعلومات موجودة في استمارة السيارة.

5.  حاولت أسوي طلب شفط لكن ما عندي اذن اصلاح من المرور، وش السوات؟

الحمد لله على سلامتك,

للأسف لابد يكون عندك اذن الإصلاح لأنها تعليمات مرورية ولابد من إتّباعها، وتقدر تتوجه لأقرب مركز مرور وراح يسلّمك اذن الإصلاح وبعدها نجيك وين ما تبي.

6.  ليش تطلبون صورة الهوية عند طلب خدمة المفتاح

إجراء أمني، نتأكد فيه أنك مالك السيارة.

7.  هل الفزاعين الي عندكم خبرة

حنّا أهل إختصاص وفزّاعينّا خبرتهم لا تقل عن 5 سنوات.

8.  ما حصّلت إلاّ خدمة الورشة ليش ما يظهر لي الخدمات الثانية؟

موجودة طال عمرك، وتقدر تتنقل بين الخدمات عن طريق الضغط على السهم يمين ويسار أو تمرير دوائر الخدمات.

أسئلة خاصة بتطبيق التوصيل

1.  هل فيه أماكن محددة أطلب منها؟

تقدر تطلب خدماتنا لو انك بالمرّيخ، أهم شي تسبقنا أنت.

2.  وش سالفة "طرد فزّاع"

طرد فزّاع سلّمك الله هي خدمة توصيل لأي شيء من المكان اللي تبيه لأي مكان آخر.

أنت تطلب وفزّاعنا يستلم طلبك ويوصّله لمكان التسليم، وكل هذا وأنت بمكانك.

3.  أقدر أطلب الحين وأستلم بعدين؟

تقدر تحدّد الوقت المناسب للاستلام، ولأننا نقدّر انشغالك عندنا لك خيارات متعددة لوقت التوصيل.

4.  كيف أعدّل على طلبي؟

تقدر تعدّل على طلبك عن طريق المحادثة المفتوحة بينك وبين فزّاعنا، لكن قبل مدة ما تتجاوز 5 دقايق ويحق للفزاع الغاء الطلب.

5- كم عمولتكم

                عمولتنا 15٪.

أسئلة خاصة بتطبيق سوق ازهلها للسيارات

1.  هل فيه موديلات ما تقبلوها بسوق السيارات؟

نقبل كل موديلات السيارات المصرح بها من المرور.

2.  هل السوق خاص بالسيارات فقط

إلى الآن خاص بالسيارات ومستقبلاً راح تبيع وتشتري منتجات وسلع ثانية.

3.  وش الفرق بين السوق العادي والمزاد؟

السوق العادي تحدد سعرك، أما المزاد لأعلى سوم. 

4.  كم عمولتكم؟

عمولتنا ١٪.

5.  كيف أبلّغ عن أحد يتقصّد يضر بإعلاني؟

تقدر ترفع لنا بلاغك وتبين فيه الأسباب، وراح يتم اتخاذ الاجراء الأمثل من قبل الإدارة في أسرع وقت.

6.  كم إعلان أقدر أسوي على نفس السيارة؟

إعلان واحد فقط وفي حال وجود اعلان ثاني راح يتم حذفه مباشرة.

7.  إذا تم حظر حسابي كيف أقدر ارجّعه؟

من خلال تواصلك مع الإدارة وتسوية الأمر.